कोरोना भाइरस संक्रमणको आशंकामा जाँच गर्न पुगेका साउदी अरबका नागरिक टेकुस्थित शुक्रराज ट्रपिकल तथा सरुवा रोग अस्पतालबाट भागेका छन् ।
चीनको बाटो हुँदै नेपाल आएका उनी रुघाखोकी र ज्वरोले ग्रसित भएपछि जाँच गराउन सरुवा रोग अस्पत्ताल पुगेका थिए ।
एकसाताअघि अस्पताल पुगेका उनलाई कोरोना भाइरस संक्रमणको आशंकाका गरेर निगरानीमा राख्ने निर्णय गरेको थियो । तर, निगरानीमा राख्ने तयारी गर्दागर्दै उनी भागेको स्वास्थ्य तथा जनसङख्या मन्त्रालयका प्रवक्ता महेन्द्र श्रेष्ठले बताए ।
'उनको कोरोना परीक्षण गर्न बाँकी थियो, अहिले खोजी भइरहेको छ’ प्रवक्ता श्रेष्ठले भने, 'भाषाको समस्या भएकाले उनलाई नियन्त्रणमा राख्न सकिएन ।’
यसअघि पोखराबाट पनि २ जना चिनीयाँ नागरिक फरार भएको समाचार सार्वजनिक भएको थियो ।
करिब २ हप्ताअघि २ चिनियाँ नागरिकलाई कोरोना भएको आशंकामा मणिपाल अस्पताल रेफर भएको समाचार सार्वजनिक भएपनि उनीहरु त्यहाँ उपचार गर्न पुगेनन् ।
समाचार सार्वजानिक हुँदा नै ९ दिनदेखि सम्पर्कबाहिर रहेका उनीहरु अहिलेसम्म उनीहरु सम्पर्कमा आएका छैनन् ।
विश्व स्वास्थ्य संगठनका प्रतिनिधि मणिपाल अस्पताल गएर सोध्दा त्यहाँ कुनै पनि स्वास्थ्य परीक्षण नभएको बताएको थियो ।
गण्डकी प्रदेश स्वास्थ्य निर्देशनालयले उनीहरूलाई कोरोना भाइरस नभएको बताएपनि उनीहरुको स्वास्थ्य परिक्षण नै नभएको जनाइएको छ ।
प्रतिक्रिया