विमानस्थल सफा गर्ने कर्मचारीलाई मास्क, चस्मा, पञ्जा छैन,  केमिकलको पनि अभाव

चैत ७, २०७६ | आजको अर्थ
ajaako_artha

राज्यले देशभरका विमानस्थलहरूमा  सरसफाइ मजदुरहरूको स्वास्थ्य तथा सुरक्षामा गम्भिर लापरवाही गरेको फेला परेको छ । 

सरसफाइ मजदुरका लागि ड्रेस कोड, मास्क, चस्मा, पञ्जालगायत सामग्रीहरू अभाव देखिएको अध्ययन प्रतिवेदन सार्वजनिक भएको हो ।  

संस्कृति पर्यटन तथा नागरिक उड्डयन मन्त्रालय र गैरआवासीय नेपाली संघले गरेको सरसफाइ निरीक्षणका क्रममा विमानस्थलहरूमा भेटिएको कमजोरी सहितको अध्ययन प्रतिवेदन पर्यटनमन्त्री योगश भट्टराईलाई बुझाईएको छ । 

निरीक्षण प्रतिवेदनमा देशभरका विमानस्थलहरूमा सरसफाइका लागि आवश्यक केमिकल अभाव रहेको समेत उल्लेख छ ।  

सरसफाइ अभियन्ता खेमराज शर्माले सिसा र भुईं सफा गर्ने छुट्टै केमिकल हरेक विमास्थलमा हुनुपर्ने भए पनि त्यो नभएको पाइएको बताए । 

प्रतिवेदन बुझ्दै पर्यटनमन्त्री भट्टराईले प्रतिवेदनबाट आएका सुझावलाई छिट्टै कार्यान्वयनमा लैजाने प्रतिबद्धता जनाए । 

पहिलो एक महिनामा सुझावअनुसार नागरिक उड्डयन प्राधिकरणमार्फत विमानस्थलाई पठाउने र तीन महिनापछि पुनः अनुगमन गरी अवस्था सुधार भएको नभएको विषयमा जानकारी लिने उनले बताए ।

त्रिभुवन अन्तर्राष्ट्रिय विमानस्थललगायत देशभरका विभिन्न ११ विमानस्थलको सरसफाइको अवस्थाका विषयमा स्थलगत अध्ययन गरिएको थियो । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८