प्रधानमन्त्री रोजगार कार्यक्रम अन्तर्गत गुल्मीको मदाने गाउँपालिकामा रु ४ लाखमा उदाहरणीय काम भएको छ ।
गाउँपालिकाको वडा नं. ७ भनभनेमा वडा कार्यालयदेखि स्वास्थ्यचौकीसम्म पुग्ने सिँढी तथा वडा कार्यालय परिसरमा प्याराफिट निर्माण गरिएको हो ।
जम्मा रु ४ लाखमा वडा कार्यालयदेखि स्वास्थ्यचौकीसम्म पुग्न ७/७ फिटको ५५ वटा सिँढी तथा वडा कार्यालय परिसरमा ८५ फिट लामो ६ वटा प्याराफिट निर्माण गरिएको गाउँपालिकाका सूचना अधिकारी ऋषि पोखरेलले बताए ।
उपभोक्ता समिति तथा ठेक्का पट्टामा गरिएका काम गुणस्तरीय नभएको देखिएको बेला अल्पकालिन रोजगारीबापत ज्यालादारीबाट सम्पन्न सो काम उदाहरणीय भएको स्थानीयको भनाई छ ।
गतवर्ष देशका विभिन्न स्थानीय तहले प्रधानमन्त्री रोजगार कार्यक्रमबाट झार उखेल्ने, नेताहरुकहाँ गोबरफाल्ने कामदार राख्ने लगायतका काम गरेर आलोचना भएको थियो ।
गाउँपालिकाले प्रधानमन्त्री रोजगार कार्यक्रलाई उपलब्धिपूर्ण बनाउन विकास निर्माणका काममा लगाएको सूचना अधिएकारी पाेखरेलले बताए ।
प्रतिक्रिया