सिन्धुपाल्चोकमा भिषण पहिरो २२ घर पुरिए, कालिकोटमा ६ जनाको मृत्यु

साउन ३०, २०७७ | आजको अर्थ
ajaako_artha

सिन्धुपाल्चोकको जुगल गाउँ पालिका वडा नम्बर २ लिदिमा भिषण पहिरो जाँदा गाउँ नै पुरिएको छ।  बिहान ६ बजे पहिरो जाँदा  २२ घर पुरिएको पत्रकार श्रीधर न्यौपानेले बताएका छन् ।

पहिरोका कारण केही थप घरहरु जोखिममा रहेको जानकारी प्राप्त भएको उनले बताएका छन् । प्रहरी घटनास्थल पुग्दै गरेको जिल्ला प्रहरी कार्यालय सिन्धुपाल्चोकका प्रहरी प्रवक्ता माधव काफ्लेले जानकारी दिए।

पहिरोले लामा गाउँ पुरिदा १३ घर पुरै क्षति भएको, ५ घरका सबै सदस्य सम्पर्क विहिन रहेको र १५ जना घाइते आफैं निस्किएको स्थानीयले बताएका छन् ।

पहिरो गएको ठाउँमा जान सक्ने अबस्था नरहेको कारण पहिरोमा कति जना पुरिएका छन् भन्ने अझै खुलेको छैन । अहिले उद्धार टोली हेलिकोप्टर सहित पहिरो गएको स्थानमा गएको बागमती प्रदेशका सामाजिक विकास मन्त्री युवराज दुलालले जानकारी दिए।

 लिदिमा १ सय ७२ घर पहिरोको उच्च जोखिममा थिए। ती ठाउँका घर पहिरोको उच्च जोखिममा रहेको भनेर आफूहरुले प्रदेश र संघ सरकारलाई यसअघि नै जानकारी गराएको वडा अध्यक्ष प्रताप लामाले बताए। तर कसैले वस्ती स्थानान्तरका लागि पहल गरेकाे थिएन ।

घटनाको थप विवरण आउन भने बाँकी छ ।

यसैविच अविरल वर्षाका कारण  राति कालिकोटमा पहिरोमा पुरिएर ६ जनाको मृत्यु भएको छ।

जिल्लाको महाबै गाँउपालिका वडा नम्बर ३ नकु गाँउमा वडा सदस्य रजबहादुर बिष्टको घर पहिरोले पुरिदा ६ जनाको मृत्यु  भएको हो ।

पहिरोमा  घर पुरिँदा  वडा सदस्य बिष्टका दुई छोरा, दुई छोरी र उनका दाजु डिल बहादुर बिष्टका दुई छोरी गरी छ जनाको मृत्यु भएको  कर्णालीका मुख्यमन्त्रीका स्वकीय सचिव खेम सिंहले जानकारी दिए।

सिंहले आफू घटना स्थलमा नै भएको र उद्दारमा लागिरहेको जानकारी दिए।

 घटना स्थलमा फोनले काम नगरेको पनि उनले बताए। उनका अनुसार घर भत्केको  छ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८