कोरोना भाइरसको संक्रमणबाट ५ जनाको मृत्यु

भदौ २९, २०७७ | आजको अर्थ
ajaako_artha

कोरोना भाइरसको संक्रमणबाट नेपालका एकाबिहानै ५ जनाको मृत्यु भएको छ । वीपी प्रतिष्ठान धरानमा दुईजना, चितवन मेडिकल कलेजमा एकजना, प्रादेशिक अस्पताल जनकपुरमा एकजना र बुटवलस्थित कोरोना विशेष अस्पतालमा एकजनाको मृत्यु भएको हो । 

वीपी कोइराला स्वास्थ्य विज्ञान प्रतिष्ठानको कोभिड–१९ अस्पतालमा मृत्यु हुनेमा  मोरङको धनपालथान–६ का ४० वर्षीय पुरुष र विराटनगर–१२ का ७० वर्षीय पुरुषको मृत्यु भएको निधन भएको प्रतिष्ठानका प्रवक्ता डा निदेश सापकोटाले जानकारी दिए । 

कुनै दीर्घरोगको लक्षण नभएका ४० वर्षका पुरुषको आइतबार र ७० वर्षका युवाको आइतबार दिउँसो निधन भएको अस्पतालले जनाएको छ । भदौ १६ गते कोराना पुष्टि भएका बृद्धलाई पहिलादेखि नै उच्च रक्तचापको समस्या भएको बताइएको छ । योसँगै विपी प्रतिष्ठानमा मृत्यु हुने सङ्क्रमितको सङ्ख्या २६ पुगेको छ ।     
     
त्यस्तै प्रादेशिक अस्पताल जनकपुरमा निधन हुनेमा महोत्तरी जिल्लाको लोहारपट्टी नगरपालिका–३ बस्ने एक ६० वर्षीय पुरुष रहेका छन् । कोरोना लागेर ज्वरो र श्वासप्रश्वासमा समस्या भएपछि उपचारका लागि भदौ २२ गते प्रादेशिक अस्पताल जनकपुरमा भर्ना गरिएको उनको आइतबार मृत्यु भएको प्रदेश नं २ का स्वास्थ्य निर्देशनालयका निर्देशक डा विजय झाले बताए ।      

चितवन मेडिकल कलेजमा उपचारका क्रममा मृत्यु हुने व्यक्ति गैँडाकोट नगरपालिका–९ बस्ने ६२ वर्षीया वृद्धा रहेको अस्पतालले जनाएको छ । ज्वरो, खोकी र श्वासप्रश्वासमा समस्या आई भदौ १५ गते अस्पतालमा भर्ना भएकी उनमा १७ गते कोरोना सङ्क्रमण पुष्टि भएको थियो । सङ्क्रमण देखिएसँगै कोभिड सघन उपचार कक्षमा उपचारका क्रममा उनको आइतबार राति साढे ११ बजे मृत्यु भएको अस्पतालका निर्देशक डा दयाराम लम्सालले जानकारी दिए । 
बुटवलस्थित कोरोना विशेष अस्पतालमा मृत्यु हुनेमा कपिलवस्तुको शिवराज नगरपालिका–५ की ४७ वर्षीया महिला रहेकी छन् । उनको उपचारका क्रममा आज बिहान मृत्यु भएको हो ।
२१ भदौमा कोरोना संक्रमण पुष्टि भएपछि अस्पताल भर्ना भएकी उनको आईसीयूमा उपचार भइरहेको थियो । उपचारकै क्रममा आज बिहान साढे ४ बजे मृत्यु भएको अस्पतालले जनाएको छ । उनी मिर्गौला रोगबाट पीडित थिइन् । 
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८