‘कृष्ण लीला’ मा पुष्प र दीपिका अनुबन्ध

असोज ७, २०७७ | आजको अर्थ
ajaako_artha

कोरोनाको त्रास बढेसँगै सरकारले लकडाउन घोषणा गरेपछि ठप्प रहेको फिल्म क्षेत्रमा अब भने चहलपहल सुरु हुन थालेको छ । सरकारले फिल्म निर्माणको अनुमति नदिए पनि निर्माताहरु कोरोना महामारीपछि छायांकन सुरु गर्ने गरी नयाँ फिल्मको घोषणा गरिरहेका छन् । झण्डै ७ महिना कामविहीन भएर बसेका कलाकारहरुले पनि अहिले धमाधम फिल्म साइन गरिरहेका छन् । 
 
यसबीच, अभिनेता पुष्प खड्का र अभिनेत्री दीपिका प्रसाईं ‘कृष्ण लीला’ नामक फिल्ममा अनुबन्ध भएका छन् । उनीहरुसँग गएको हप्ता निर्माण टिमले कागजी सम्झौता गरेको हो । फिल्मलाई ‘पण्डित बाजेको लौरी’ फेम्ड निर्देशक दीपक ओलीले निर्देशन गर्दैछन् । सञ्चारकर्मी तथा निर्देशक लक्ष्मण सुवेदीले केही हप्तादेखि फिल्मको कथा, पटकथा तथा संवादमा काम गरिरहेका छन् । 
 
कमेडी विषवस्तुमा निर्माण हुन लागेको फिल्ममा पुष्प र दीपिकासँगै बुद्धि तामाङ, रविन्द्र झालगायतका कलाकारहरुको पनि अभिनय रहनेछ । फिल्मको बारेमा जानकारी दिँदै पुष्पले भने( ‘लकडाउनमा मैले ४र५ वटा फिल्मको स्क्रिप्ट पढेँ । त्यसमध्ये मन परेको फिल्म ‘कृष्ण लीला’ हो । अहिले स्क्रिप्टमा वर्कआउट भइरहेको छ ।’ फिल्ममा उनी लभर ब्वाईको भूमिकामा देखिनेछन् ।
 
निर्देशक दीपक ओली असोज १५ गतेबाट फिल्मको छायांकन सुरु गर्ने सोचमा छन् । तर, सरकारले छायांकन अनुमति नदिएका कारण उनी अन्योलमा छन् । ‘कृष्ण लीला’ मा पुष्पलाई दर्शकले भिन्न भूमिकामा देख्न पाउने उनले बताए । अर्जुन पोखरेलको संगीत रहने फिल्मको प्रस्तुतकर्तामा रोहित कट्टेल छन् । फिल्मका निर्माता रत्न श्रेष्ठ हुन् । शिव ढकालले फिल्म खिच्नेछन् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८