सुन पसलेले नै किने फलामको गहना: सुनको जलप लगाउँदै बिक्रि गर्दै गर्ने एकजना पक्राउ

पुस २४, २०७७ | आजको अर्थ
ajaako_artha

काठमाडौं । फलामको गहना बनाएर सुनको जलप लगाउँदै बिक्रि गर्दै गर्ने एकजना ठग पक्राउ परेका छन् । आफूले सुन पसलबाट किनेको गहना आपत परेर बिक्रि गर्न लागेको भन्दै सुन पसलेलाई झुक्याएर ठग्ने धादिङ थाक्रे गाउँपालिका घर भएका राज सापकोटा पक्राउ परेका हुन् । 
कसरी भयो ठगी ? 
थानकोटस्थित रिजन ज्वेलर्समा एकजना पुरुष गहना राखेर पैसा लिन आए । ०७७ असोज ६ मा रिजन ज्वेलर्सका सञ्चालक राजु सदाशंकरले सुन राखे, पैसा दिए । सुन डिपोजिट राखेर पैसा लिन खोज्ने धादिङ थाक्रे गाउँपालिका घर भएका राज सापकोटाले सुनको बिलसमेत देखाए । बिल सहितको सुन राखेर पैसा दिन रिजन ज्वेलर्सलाई समस्या थिएन ।

पुस १७ र २३ मा चन्द्रगिरी नगरपालिका–१२ स्थित गुर्जुधारामा पनि सो घटना दोहोरियो । गुर्जुधारा स्थित प्रकाश ज्वेलर्समा बिलसहितको ‘सुन’ राखेर राजले पैसा लिए ।

रिजन ज्वेलर्सबाट राजले ३ लाख नगद लिएका थिए । उनले राखेको सुन बैङ्कमा राख्नका लागी रिजन ज्वेलर्सका सञ्चालकले सो सुन पुनः जाँच गर्न खोजे । कोट्याउँदा सुनको जलप भित्र फलाम देखियो १

त्यसपछि, उनले प्रहरीलाई खबर गरेका हुन् । बिल देखाएर सुनको जलप लगाएको फलामका गहना राखेर ठगी गर्ने ३४ वर्षी राज सापकोटालाई महानगरीय अपराध महाशाखा र प्रहरी वृत थानकोटको टोलीले पक्राउ गरेको छ ।

रिजन र प्रकाश ज्वेलर्शबाट राजुले ४ लाख ६० हजार ठगी गरेको महानगरीय प्रहरी वृत थानकोटका डिएसपी घनश्याम श्रेष्ठले रातोपाटीलाई बताए ।

बुधवार पक्राउ परेका राजको साथबाट प्रहरीले ६ तोला सुनका गहना बरामद गरेको छ । ‘आपत् परेको’ बहाना बनाएर सुन पसलेसँग मिठो गफ गरेर ठग्ने राजलाई प्रहरीले ठगी मद्दा चलाउने तयारी गरेको छ । राजले श्री गणेश ज्वेलर्सको बिल राखेका थिए । सो बिलबारे पनि प्रहरीले अनुसन्धान गरिरहेको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८