जहाजको जस्तो ‘स्टेरिङ्ग ह्वील’ भएको गाडी बजारमा, मूल्य १ लाख ३९ हजार डलर

माघ १५, २०७७ | आजको अर्थ
ajaako_artha

बहुचर्चित मोटर कम्पनी टेस्लाले जहाजको जस्तो ‘स्टेरिङ्ग ह्वील’ भएको गाडी सार्वजनिक गरेको छ । आफ्नो चर्चित  ‘मोडल एस’को २०२१ मोडलमा टेस्लाले जहाजको जस्तै देखिने यू आकारको ‘स्टेरिङ्ग ह्वील’ राखेको हो ।

कम्पनीले सो मोडल फेब्रुअरी पहिलो साताबाट डेलिभरी सुरु गर्न लागेको छ । टेस्लाका प्रमुख कार्यकारी अधिकृत इलन मस्कले हालैमात्र नयाँ मोडल एसको क्याविनको तस्विर सार्वजनिक गरेका थिए । 

नयाँ तस्विर हेरेपछि सो मोडलको गाडीमा व्यापक परिमार्जन हुनसक्ने अनुमान विभिन्न रिपोर्टहरुमा गरिएको छ । टेस्लाले सन् २०१२ देखि यसमा ठूलो परिमार्जन गरेको थिएन ।

रिपोर्टहरुमा जनाइए अनुसार स्टेरिङको पछाडि स्कृन रहेको छ । १२.३ इन्चको डिजिटल क्लष्टर, कार्वन फाइवरको र काठको प्रयोग भएको ड्यासबोर्ड, थ्रि जोन क्लाइमेट कन्ट्रोल, २२ वटा स्पीकर यसमा पाउन सकिन्छ ।

कम्पनीले यसको टप भेरियन्टको मूल्य १ लाख ३९ हजार डलर मूल्य तोकेर विक्री सुरु गर्ने भएको छ ।

पहिलेको तुलनामा छिटो तिब्रगति भेट्टाउन सक्ने बनाइएको नयाँ मोडल एसले सून्यदेखि १०० किलोमिटरको रफ्तार केवल २ सेकेन्डमा भेट्न सक्छ । कम्पनीले यसको रेञ्जसमेत विस्तार गरेको छ । यसको प्लेड भेरियन्टले एक पटकको फुलचार्जमा ६२७ किलोमिटर र प्लेड प्लस भेरियन्टले ८३७ किलोमिटर रेञ्ज प्रदान गर्ने छ ।

प्लेड प्लस भेरियन्टको उच्चगति क्षमता ३२१ किलोमिटर प्रतिघन्टा रहेको छ भने प्लेड भेरियन्टको २५० किलोमिटर प्रतिघन्टा रहेको छ ।

कम्पनीले यसको एक्सटेरियर र इन्टेरियरमा पनि व्यापक परिमार्जन गरेको छ । १९ इन्च र २१ इन्चको ह्वील प्रयोग भएको मोडल एसमा ग्लास रुफ, नयाँ बम्पर दिइएको छ । यसमा यू आकारको स्टेरिङ प्रयोग गरिएको छ । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८