एजेन्सी - तेलुगू स्टार रवी तेजाले आफ्नो पारिश्रमिक बढाएका छन् । फिल्म ‘क्र्याक’को सफलता पछि उनले आफ्नो पारिश्रमिक बढाएका हुन् । 

फिल्मको सफलता पछि रवीले पारिश्रमिक १६ करोड पुर्‍याएका छन् । बलिउड लाइफमा प्रकाशित समाचार अनुसार फिल्म ‘क्र्याक’ले विश्वव्यापी रुपमा ६० करोड बढीको व्यापार गरेको थियो । 

यो फिल्मको ओभरसिज राइट २० करोडमा बिक्री भएको थियो । रवीको अभिनय करियरमा सर्वाधिक हिट फिल्ममा ‘क्र्याक’ पनि परेको छ ।

निर्माता नाकिना त्रिनाधा राओले रवीसँग सहकार्य गरी ‘आरटी ६८’को घोषणा गरेका छन् । यसका लागि उनले १६ करोड पारिश्रमिक मागेका हुन् । 
 ‘क्र्याक’को सफलता देखेर निर्माताहरु पनि रवीलाई १६ करोड पारिश्रमिक दिन राजी भएका छन् ।

फिल्म ‘आरटी ६८’ रवीको करियरको ६८ औं फिल्म हो ।