काठमाडौं – अनुष्मा रायमाझीले इजिप्टमा आयोजना हुने अन्तराष्ट्रिय सौन्दर्य प्रतियोगिता ‘मिस इको इन्टरनेशनल - २०२१’मा नेपालको प्रतिनिधित्व गर्ने भएकी छिन् ।
मिस इको इन्टरनेशनलका लागि अधिकार प्राप्त नेपाली संस्था ग्रिन आर्ट मिडियाले उक्त प्रतियोगितामा नेपाली प्रतिनिधिको रुपमा रायमाझीलाई पठाउन लागेको हो ।
१८ मार्चदेखि ५ जुनसम्म आयोजना हुने उक्त प्रतियोगिताका लागि रायमाझी ‘मिस इको इन्टरनेशनल नेपाल–२०२०’ को बिजेता भएपछि छानिएकी हुन् ।
६० भन्दा बढी देशका इको सुन्दरीहरुको सहभागीता जनाउने उक्त प्रतियोगिताका लागि रायमाझी नेपालबाट एक्लो सहभागी हुनेछिन् ।
२१ वर्षीया रायमाझी प्रतियोगिताका लागि मार्चको पहिलो साता इजिप्ट उड्ने तयारीमा छिन् । मिस इको इन्टरनेशनलको रायमाझी नेपालको छैठौं सहभागी हुन् ।
प्रतिक्रिया