एन आई सी एशिया बैङ्कले किनमेलमा १२ प्रतिशत वा अधिकतम ५ सयसम्म नगद फिर्ता हुने सिस्टम ल्याएको छ । बैकले आफ्ना ग्राहकहरूलाई लक्षित गरी ई–कमर्श प्ल्याटफर्म सस्तोडिलमार्फत साताको अन्तिम दिन शनिबार किनमेलमा १२ प्रतिशत वा अधिकतम ५ सयसम्म नगद फिर्ता हुने भएकाे हाे ।
बैङ्कको डेबिट तथा क्रेडिट कार्डबाट ई–कमर्श भुक्तानी गर्दाको हकमा ग्राहक महानुभावहरूले उक्त मात्रामा नगद फिर्ता प्राप्त गर्न सक्ने प्रावधान यस योजनामा रहेको छ । बैङ्क र सस्तोडिल बीचको समझदारीअनुसार फागुन १५ देखि प्रत्येक शनिबार यस बैङ्कका डेबिट तथा क्रेडिट कार्ड प्रयोगकर्ताहरूले आफुलाई चाहिएको सामग्री किनमेल गरी आकर्षक मौकाको फाइदा उठाउन सक्नेछन् ।
यसका लागि ग्राहकहरूले सामग्री गरिद गर्न कुल रकम भुक्तानी गर्नुपर्नेछ भने त्यसको साताको अन्तिम दिनपछि बैङ्कले निजले प्राप्त गर्नुपर्ने नगद फिर्ता रकम सम्बन्धित बैङ्क खातामा जम्मा गरिदिने व्यवस्था समेत गरेको छ ।
यस योजनामा यस बैङ्कको डेबिट तथा क्रेडिट कार्डमा ई–कमर्श भुक्तानी सुविधा लिनुभएका ग्राहक सहभागी हुन सक्नेछन् । यसका लागि ग्राहकहरूले बैङ्कको आई सर्भिस डिजिटल सेवामा रहेको कार्ड सम्बन्धी सेवाहरूबाट आफ्नो डेबिट तथा क्रेडिट कार्डमा ई–कमर्श सुचारु गरी अनलाइन भुक्तानी गर्न सक्नेछन् ।
प्रतिक्रिया