मंगलवार कारोबारको दोस्रो घण्टामा नेप्से लगातार उकालो लागेको छ । १ बजे सम्म आइपुग्दा परिसूचक ७ दशमलव १४ अंकले बढेर २ हजार ६६९ दशमलव शून्य ७ विन्दुमा पुगेको छ । परिसूचक शून्य दशमलव २७ प्रतिशतले बढेको हो ।
कारोबारमा आएका १३ ओटा समूहको परिसूचकमध्ये वित्त, उत्पादन तथा प्रशोधन, म्युचुअल फण्ड र लगानी समूहको परिसूचक घटेको छ भने बाँकी समूह बढेका छन् ।
दोस्रो घण्टाको अवधिमा २०९ ओटा कम्पनीको २ अर्ब ७० करोड ७८ लाख ५२ हजार बराबरको शेयर खरीदविक्री भएको छ ।
कारोबारको दोस्रो घण्टामा महिला लघुवित्तको शेयरमूल्य १० प्रतिशतले बढेको छ । त्यस्तै, ज्योति लाइफ इन्स्योरेन्सको शेयरमूल्य ९ दशमलव ९६ प्रतिशतले वृद्धि भएको छ ।
यस अवधिसम्म नागरिक लगानी कोषको सर्वाधिक कारोबार भएको छ । उक्त कम्पनीको १४ करोड २६ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य ३ हजार ९७० कारोबार भइरहेको छ ।
प्रतिक्रिया