तीन लघुवित्तको वित्तीय विवरण सार्वजनिक, कुनको अवस्था कस्तो ?

साउन १५, २०७८ | आजको अर्थ
ajaako_artha

काठमाडौं - विभिन्न तीन लघुवित्त वित्तीय संस्था लिमिटेडे गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ । डिप्रोक्स लघुवित्त, समता घरेलु लघुवित्त र स्वरोजगार लघुवित्तले उक्त विवरण सार्वजनिक गरेका हुन् । 

१. डिप्रोक्स लघुवित्त वित्तीय संस्था लिमिटेड
डिप्रोक्स लघुवित्तले गत आर्थिक वर्षको चौथो त्रैमाससम्ममा ७१ करोड ३७ लाख रुपैयाँ खुद नाफा कमाउन सफल भएको छ । उक्त नाफा अघिल्लो आर्थिक वर्षको सोही अवधिको तुलनामा १५९.५५ प्रतिशत बढी हो । 

खुद ब्याज आम्दानी र सञ्चालन मुनाफा सामान्य बढेपनि ३८ करोड ९८ लाख रुपैयाँ खराब कर्जा उठाउन सफल भएपछि लघुवित्तको नाफा उल्लेख्य बढ्न पुगेको हो । समीक्षा अवधिमा लघुवित्तको खुद ब्याज आम्दानी ४२.७९ प्रतिशत बढेको छ भने सञ्चालन मुनाफा ६६.३२ प्रतिशत बढेको छ । त्यसैगरी, लघुवित्तको चुक्ता पूँजी समीक्षा अवधिमा १५ प्रतिशत, जगेडा कोष ५५.३९ प्रतिशत, सापटी १९.६३ प्रतिशत, निक्षेप ३२.५५ प्रतिशत र कर्जा ३१.९० प्रतिशत बढेको छ ।

नाफा बढेसँगै लघुवित्तको ईपीएसमा पनि उल्लेख्य सुधार देखिएको छ । समीक्षा अवधिमा लघुवित्तको ईपीएस ३४ रुपैयाँ ३८ पैसा बढेर ६१ रुपैयाँ ७३ पैसा पुगेको छ । असार मसान्तसम्ममा लघुवित्तको मूल्य आम्दानी अनुपात २७.३१ गुणा रहेको छ भने प्रतिशेयर नेटवर्थ २११ रुपैयाँ ९६ पैसा रहेको छ ।

२. समता घरेलु लघुवित्त वित्तीय संस्था लिमिटेड
समता घरेलु लघुवित्तले सार्वजनिक गरेको गत आर्थिक वर्षको चौथो त्रैमाससम्मको अपरिष्कृत वित्तीय विवरण अनुसार लघुवित्तको अधिकांश सूचकमा सुधार देखिएको छ ।

समीक्षा अवधिमा लघुवित्तको प्रतिशेयर आम्दानी अर्थात ईपीएस ११ रपैयाँ ८ पैसा बढेर ३७ रुपैयाँ ९४ पैसा पुगेको छ । चुक्ता पूँजीको तुलनामा खुद नाफा धेरै बढेकोले लघुवित्तको ईपीएस बढ्न पुगेको हो ।

समीक्षा अवधिमा लघुवित्तको खुद नाफा १११.११ प्रतिशत बढेको छ । खुद ब्याज आम्दानी ६५.९४ प्रतिशत बढेसँगै सम्भावित जोखिम बापतको व्यवस्था ९२ लाख ऋणात्मक हुँदा लघुवित्तको खुद नाफा उल्लेख्य बढ्न पुगेको हो ।

समीक्षा अवधिमा लघुवित्तको चुक्ता पूँजी ४९.४५ प्रतिशत बढेको छ भने जगेडा कोष ४३.११ प्रतिशत बढेको छ । त्यसैगरी, लघुवित्तको सापटी ६०.६४ प्रतिशत, निक्षेप ५४.५४ प्रतिशत र कर्जा ५७.९८ प्रतिशत बढेको छ ।

३. स्वरोजगार लघुवित्त वित्तीय संस्था लिमिटेड
स्वरोजगार लघुवित्तको गत आर्थिक वर्षको चौथो त्रैमाससम्मको अपरिष्कृत वित्तीय विवरण अनुसार लघुवित्तको खुद नाफा बढेको छ ।

असार मसान्तसम्ममा लघुवित्तले १५ करोड ४३ लाख रुपैयाँ खुद नाफा आर्जन गरेको छ । जुन अघिल्लो आर्थिक वर्षको सोही अवधिको तुलनामा १६९.६४ प्रतिशत बढी हो । खुद ब्याज आम्दानी सामान्य बढेपनि सम्भावित जोखिम बापतको व्यवस्थामा कम रकम छुट्याएका कारण लघुवित्तको खुद नाफा उल्लेख्य बढ्न पुगेको हो ।

समीक्षा अवधिमा लघुवित्तको खुद ब्याज आम्दानी ३३.९३ प्रतिशत मात्र बढेको छ भने सञ्चालन मुनाफा ६०५।०६ प्रतिशत बढेको छ। सो अवधिमा लघुवित्तको प्रोभिजनिङ्ग २८.८८ प्रतिशत घटेको छ ।

समीक्षा अवधिमा लघुवित्तको चुक्ता पूँजी ६.२९ प्रतिशत बढेको छ भने जगेडा कोष ८८.७९ प्रतिशत बढेको छ । त्यसैगरी, लघुवित्तको सापटी ६८.७० प्रतिशत, निक्षेप ४८.०७ प्रतिशत र कर्जा ७५.४९ प्रतिशत बढेको छ ।

नाफासँगै लघुवित्तको प्रतिशेयर आम्दानी २२ रुपैयाँ ७३ पैसा बढेर ३७ रुपैयाँ ५२ पैसा पुगेको छ । त्यसैगरी, असार मसान्तसम्ममा लघुवित्तको मूल्य आम्दानी अनुपात ३८.९८ गुणा रहेको छ भने प्रतिशेयर नेटवर्थ १५० रुपैयाँ ४२ पैसा रहेको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८