मलेसियामा प्रतेक दुई दिनमा ५ जना नेपाली कामदारको मृत्यु

साउन २०, २०७८ | आजको अर्थ
ajaako_artha

काठमाडौं - वैदेशिक रोजगारीको मुख्य गन्तव्य मलेसियामा सरदर दुई दिनमा तीन जना नेपाली कामदारको मृत्यु हुने तथ्यांक रहेको मलेसियामा एकै महिनामा ६७ जना नेपाली कामदारको मृत्यु भएको छ । 

पछिल्लो तथ्यांकले दुई दिनमा करिब ५ जनाको मृत्यु भएको देखाएको छ । पछिल्लो एक महिनामा मलेसियामा कोरोना भाइरस संक्रमणका कारण ३८ जना र अन्य विभिन्न कारणले २९ जना गरी ६७ जना कामदारको मृत्यु भएको हो ।

मलेसियास्थित नेपाली दूतावासले मलेसियामा कोरोना भाइरसको संक्रमण शुरु भएदेखि अहिलेसम्म जम्मा ६५ जना नेपाली कामदारको मृत्यु भएको र करिब ६ हजारको हाराहारीमा नेपाली संक्रमित भएको अनुमान गरिएको जनाएकोे छ । 

एक ठाउँमा धेरै कामदारहरुले काम गर्ने ठुला उत्पादन कम्पनीमा कार्यरतहरु बढी संक्रमित रहेको देखिएको छ भने मृत्यु हुनेहरुमा सुरक्षागार्ड धेरै रहेको बताइएको छ । हाल मलेसियामा एक लाख ६० हजारको हाराहारीमा नेपाली कार्यरत रहेका छन् । 

मलेसियामा सोमबारसम्म ११ लाख ४६ हजार १ सय ८६ संक्रमित र ९ हजार भन्दा बढीको मृत्यु भएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८