एसियन गेममा पब्जी प्रतियोगीता हुने, आठवटा अनलाइन गेमको प्रतिस्पर्धा

भदौ २६, २०७८ | आजको अर्थ
ajaako_artha

एसियन ओलम्पिकमा पहिलोपटक ई–स्पोर्टस अर्थात अनलाइन खेल प्रतिस्पर्धा हुने भएको छ । सन् २०२२ मा हुने एसियन गेममा अनलाइन गेम पनि समावेश हुने ओलम्पिक काउन्सिल अफ एसियाले घोषणा गरेको हो ।

काउन्सिलका अनुसार इए स्पोर्टसले तयार पारेको फिफा, पब्जी मोबाइल, एरेना अफ भालोर, डोटा २, लिग अफ लिजेन्ट्स, ड्रिम थ्री किङडम १, हर्थस्टोन र स्ट्रिट फाइटर फाइभ खेलको प्रतिस्पर्धा हुने छ । 

यी खेलमा  खेलाडीहरूले स्वर्ण, कास्य र रजत पदकका लागि प्रतिस्पर्धा गर्नेछन् । ई–स्पोर्टसका लागि मात्र कूल २४ ओटा मेडल राखिएको छ । जसका लागि चीनको ह्वाङजाओमा हुने एसियन गेममा खेलाडीहरूबीच प्रतिस्पर्धा हुनेछ ।

यसैगरी अन्य दुई गेम, रोबोट मास्टर्स र भीआर स्पोर्टस्, सन् २०२२ को एसियन गेममा डेमोन्स्ट्रेसन इभेन्टको रुपमा खेलिनेछन् । ईस्पोर्टस प्रतियोगिताको लागि एसियन इलेक्ट्रोनिक स्पोर्टस् फेडरेसनले प्राविधिक समन्वयका साथै प्रतियोगिताका लागि टिमहरूको छनौट र व्यवस्थापनको काम गर्नेछ ।

सन् २०१८ को एसियन गेममा ई(स्पोर्टस डेमोन्सट्रेसन इभेन्टको रुपमा खेलाइएको थियो । ओलम्पिक काउन्सिलको यस किसिमको घोषणाले एसिया प्रसान्त क्षेत्रको अनलाइन गेमलाई अर्को उचाईमा पुर्‍याउने विश्वास लिइएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८