च्याम्पियन्स लिग : आफ्नै घरेलु मैदानमा बार्सिलोनाको लज्जास्पद हार, रोनाल्डोको गोलको बावजुत म्यानचेस्टर युनाइटेड पराजित

भदौ ३०, २०७८ | आजको अर्थ
ajaako_artha

एजेन्सी - च्याम्पियन्स लिगको समूह चरणको पहिलो खेलमा नै आफ्नै घरेलु मैदानमा बार्सिलोना पराजित भएको छ ।  थोमस मुलर र रोबर्ट लेवान्डोस्कीको गोलको मद्दतले बायर्न म्युनिखले बार्सिलोनालाई उसैको घरेलु मैदानमा पराजित गरेको हो । 

समूह ई अन्तरगत दुई हेभिवेटबीचको खेलमा जर्मन क्लब ३–० ले विजयी भएको छ । खेलमा नियन्त्रण बनाएको बायर्नले खेलको ३४ औँ मिनेटमा मुलरको गोलको मद्दतले अग्रता लियो । 

बार्सिलोनाविरुद्ध उनको यो सातौँ गोल थियो । प्रतियोगितामा बार्सिलोनाविरुद्ध उनले सबैभन्दा धेरै गोल गरेका छन् । दोस्रो हाफमा लेवान्डोस्कीले दुई गोल थप्दै बायर्नलाई सहज जीत दिलाए । च्याम्पियन्स लिगमा उनको ७५ गोल पुगिसकेको छ ।

यस्तै  क्रिस्टियानो रोनाल्डो प्रेरित प्रिमियर लिग क्लब म्यान्चेस्टर युनाइटेड स्विस टिम योङ ब्वाइजसँग पराजित भएको छ । मंगलबार राति भएको खेलमा स्विस टोली योङ ब्वाइजसँग युनाइटेड २–१ गोल अन्तरले पराजित भएको हो । 

खेलमा १० खेलाडीमा सीमित युनाइटेडले स्वीजरल्यान्डको क्लबसँग २–१ गोलले पराजित भएको हो । खेलमा अग्रता भने युनाइटेडले बनाएको थियो । खेलको १३औँ मिनेटमा क्रिस्टियानो रोनाल्डोले गोल गर्दै प्रिमियर लिग क्लबलाई अग्रता दिलाएका थिए । 

खेलको ३५औँ मिनेटमा युनाइटेड १० खेलाडीमा सीमित भएको थियो । युनाइटेडका वान विसाखा रातो कार्ड खाँदै बाहिरिएका थिए । पहिलो हाफमा अग्रता बनाएको युनाइटेडले दोस्रो हाफमा अग्रता जोगाउन सफल भएन । 

योङ ब्वाइजका लागि खेलको ६६औँ मिनेटमा मोउमी नगमाउलेले गोल गर्दै टिमलाई बराबरीमा ल्याए । खेलको इन्ज्युरी समयमा योङ ब्वाइजका लागि थेसोन सिवाचुले गोल गर्दै टिमलाई २–१ गोलको जित दिलाए । 

जितसँगै समूह ‘एफ’मा रहेको योङ ब्वाइजले १ खेलबाट ३ अंक जोडेको छ । यता युनाइटेडले हारबाट लिगको सुरुवात गरेको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८