२०२२ संगै टिभिएस,होन्डा र हिरोले मोटरसाइकल र स्कुटरमा मूल्य बढाए, कुन मोडलमा कति वृद्धि ?

पुस २०, २०७८ | आजको अर्थ
ajaako_artha

काठमाडौं, नेपाली बजारमा टिभिएस, होन्डा र हिरोले आफ्ना अधिकांश मोडलका मोटरसाइकल र स्कुटरमा मूल्य बढाएका छन् । कम्पनीले नयाँ बर्ष २०२२ लाई लक्षित गरी मूल्य बढाएपछि यी बाइक थप महंगो भएको छ । नयाँ मूल्य सुची अनुसार टिभिएसले सबैभन्दा बढी अपाचे आरटीआर १६० फोरभी आरडी रिफ्रेस र टीभीएस एक्सएल १०० मा १० हजार रुपैयाँका दरले बढाएको छ । यी बाइकको मूल्य क्रमशः ३ लाख १८ हजार ९ सय र १ लाख ३८ हजार ९ सय रुपैयाँ पुगेको छ ।

त्यसैगरी अपाचे आरटीआर २०० फोरभी एफआई बीएस६ को ६ हजार रुपैयाँले बढेर ३ लाख ९६ हजार ९ सय रुपैयाँ पुगेको छ भने अपाचे आरटीआर २०० फोरभी एबीएसको५ हजार रुपैयाँले बढेर ३ लाख ६७ हजार ९ सय रुपैयाँ पुगेको छ । अन्य केही मोडलहरुमा १ देखि ४ हजार रुपैयाँ सम्मको दरमा मूल्य वृद्धि गरिएको छ । त्यसैगरी हालै नेपाली बजारमा भित्रिएको रेडर र अन्य केही मोडलमा पनि उही मूल्य कायम छ ।

हिरोले आफ्नो अधिकांश मोडलको मूल्यमा १ देखि ३ हजार रुपैयाँ सम्म वृद्धि गरेको छ । नेपाली बजारमा सबैभन्दा लोकप्रिय रहेको एक्सपल्स २०० को १ हजार ५ सय र स्प्लेन्डर प्लसको १ हजार रुपैयाँले बढेको छ । यी मोटरसाइकलको मूल्य अब क्रमशः ४ लाख ३ हजार ५ सय र १ लाख ९० हजार रुपैयाँ भएको छ ।

त्यसैगरी होन्डाले जारी गरेको नयाँ मूल्य सूची अनुसार साइन, युनिकर्न, एक्स–ब्लेड र सीबी हर्नेटको मूल्यमा वृद्धि गरिएको छ । अन्य मोटरसाइकल र स्कुटरको मूल्य भने यथावत छ ।

सबैभन्दा बढी बृद्धि होन्डा एक्स–ब्लेडमा गरिएको छ । यसको मूल्यमा ६ हजार रुपैयाँले वृद्धि गरी ३ लाख ३० हजार ९ सय रुपैयाँ पुगेको छ । साइनका सबै भेरिएन्ट र सीबी युनिकर्न १५० तथा सीबी हर्नेटमा ५ हजार रुपैयाँको दरले मूल्य वृद्धि गरिएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८