काठमाडौं - स्थानीय निर्वाचनको मतगणना जारी छ । सुरुवाती चरणमा रहेको मतगणनाको क्रममा कतिपय स्थानमा रोचक अवस्था पनि देखिएको छ ।
विभिन्न गाउँपालिका र नगरपालिकाका मतपरिणामहरु सार्वजनिक भइरहँदा धेरैको ध्यान चाहिँ देशका ६ महानगरपालिकाको सम्भावित मतपरिणामतर्फ केन्द्रीत रहेको छ ।
काठमाडौं महानगरपालिका
काठमाडौं महानगरपालिकामा सुरुवाती अग्रतालाई कायम राख्दै मेयरतर्फ स्वतन्त्र उम्मेद्वार बालेन साहले निकटतम प्रतिद्वन्द्वीसँगको मतान्तरलाई बढाउँदै लगेका छन् ।
ललितपुर महानगरपालिका
ललितपुर महानगरपालिकामा निवर्तमान मेयर चिरिबाबु महर्जन नै अगाडि छन् ।
भरतपुर महानगरपालिका
चितवनको भरतपुर महानगरपालिकामा मेयरतर्फ रोचक भिडन्त देखिएको छ । गठबन्धनको साझा उम्मेद्वार रेणु दाहालले अग्रता लिएकी छन् ।
पोखरा महानगरपालिका
पोखरा महानगरपालिकाको मेयर पदमा पनि कडा टक्कर देखिएको छ । यहाँ गठबन्धनको तर्फबाट उम्मेद्वार बनेका नेकपा समाजवादीका धनराज आचार्यले अग्रता लिएका छन् ।
वीरगञ्ज महानगरपालिका
वीरगञ्ज महानगरपालिकामा गठबन्धनको तर्फबाट मेयर पदका उम्मेद्वार जनता समाजवादी पार्टीका राजेशमान सिंह दोब्बर मतले अगाडी छन् ।
विराटनगर महानगरपालिका
विराटनगर महानगरपालिकामा गठबन्धनको तर्फबाट उम्मेद्वार नेपाली कांग्रेसका नागेश कोइराला फराकिलो मतान्तरले अगाडि छन् ।
प्रतिक्रिया