सार्वजनिक यातायातमा चढ्दा वित्तीकै २५ रुपैयाँ !

१ बर्ष अगाडि

काठमाडौं- सार्वजनिक यातायातमा चढ्दा वित्तीकै २५ रुपैयाँ तिर्नु पर्ने अवस्था आएको छ । सकारले डिजेलको भाउ बढाएपछि सार्वजनिक यातायातका साधनको भाडा पनि त्यही अनुपातमा बढ्न पुगेका कारण बसमा चढ्ने बित्तिकै २५ रुपैयाँ तिर्नु पर्ने अवस्था आएको हो ।

डिजेलको मूल्य बढेपछि सर्वसाधारणले अत्यधिक प्रयोग गर्ने बस, माइक्रोबसलगायतका सवारी साधानका भाडा बढेको छ । पछिल्लो पटक पेट्रोलको मूल्य बढ्नु अघि सर्वसाधारणले बसमा खुट्टा राख्दा वित्तीकै २० रुपैयाँ तिर्दै आएका थिए । तर, गत आइतबार आयल निगमले डिलेलको मूल्य २७ प्रतिशतले बढाएपछि बस व्यवसायीले पनि भाडा दर बढाएर २५ रुपैयाँसम्म पुर्याएका छन् ।

यातायात व्यवसायीले भन्न पेट्रोलको मूल्य बृद्धि २७ प्रतिशतले भए अनुसार नै यातायातका साधानको भाडा पनि २७ प्रतिशतले बढाएको भन्दै आएका छन् । तर, उनीहरुले त्यसरी बढाएको भन्दा बढी भाडा बस तथा आइक्रोबसहरुले लिन थालेका छन् ।

केही बस तथा माइक्रोबसहरुले अहिले पनि खुट्टा राख्दा वित्तीकै २० रुपैयाँ नै लिदै आएपनि धेरैजसोले भने २५ रुपैयाँ लिन थालेका छन् । पेट्रोलको मूल्य बढेका कारण भाडा दर २३ रुपैयाँ भएपनि चान चुन रकम नभएको भन्दै २५ रुपैयाँ नै लिन थालेका हुन् ।

खुद्रा रकम दिइयो भने त अहिले पनि २०÷२२ रुपैयाँले मानिहाल्छन्, खुद्रा रकम दिइएन भने त २५ रुपैयाँ नै लिने गरेको सर्वसाधारणको गुनासो छ ।

एउटै रुटमा नचल्ने अर्को रुटमा चल्ने यातायातको सवारी साधनमा खुट्टा राख्दा वित्तीकै ५० रुपैयाँ र त्यति बाटो पुनः आफ्नो गन्तब्यमा फर्कदा पुनः त्यति नै पैसा तिर्नु पर्ने अवस्था आएको छ । घरबाट बाहिर निष्कदा वित्तीकै कम्तिमा १०० रुपैयाँ बस भाडालाई छुट्टाउनु पर्ने अवस्था आएको छ ।

१ बर्ष अगाडि

प्रतिक्रिया