काठमाडौं- साताको पाँचौ कारोबारको दिन (बिहीबार) शेयर बजारमा भारी अंकको पहिरो गएको छ ।
अघिल्लो कारोबार दिन अर्थात बुधबार ३१.२१ अंक घटेर १८९३.५३ विन्दुमा बन्द भएको नेपाल स्टक एक्सेन्च (नेप्से) परिसुचक आज ४५.२५ अंकले घटेर १८४८.२८ को बिन्दुमा झरेको छ ।
कारोबारको अन्तिम समयसम्म आइपुग्दा कारोबार भएका २३७ कम्पनीको ५० लाख ८ हजार ७७१ कित्ता शेयर खरिदबिक्री हुदाँ १ अर्ब ४९ करोड ९७ लाख ९ हजार ६३४ रुपैंया बराबरको कारोबार भएको छ ।
सो रकम बराबरको कारोबार हुदाँ आज कुमारी बैंकको सर्वाधिक कारोबार भएको छ। बैंकको ९ करोड ४६ लाख बराबरको शेयर कारोबार भएको छ।
त्यस्तै, लक्ष्मी बैंकको ६ करोड ३६ लाख,नबिल बैंकको ५ करोड ५३ लाख,हिमालयन डिष्टिलरीको ४ करोड ५२ लाख र एनआईसी एशिया बैंकको ४ करोड १५ लाख बढीको शेयर कारोबार भएको छ ।
प्रतिक्रिया