काठमाडौं- पछिल्लो समय डेंगु बिरामीको संख्या अत्याधिक बढ्न थालेको छ । गएको २४ घण्टाभित्र डेंगुका एक हजार ५१ जना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार सोमबारसम्म २५ हजार ५४३ जनामा डेंगु पुष्टि भएको छ ।
हालसम्म देशभरका मुस्ताङ बाहेक ७६ जिल्लामा डेंगु संक्रमण फैलिएको छ । सरकारले यसलाई प्रकोप घोषणा गर्ने तयारी गरेको छ ।
अहिलेसम्म डेंगु संक्रमणका कारण ३२ जनाको मृत्यु भएको छ ।
प्रतिक्रिया