काठमाडौं- चिलिमे जलविद्युत कम्पनी लिमिटेले लाभांश घोषणा गरेको छ । कम्पनीले आव २०७८/७९ को मुनाफाबाट लाभांश प्रस्ताव गरेको हो ।
कम्पनीको मंसिर २० गते बसेको संचालक समितिको बैठकले गत आव २०७८/७९ को संचित मुनाफाबाट कायम चुक्तापुँजीको ७.५ प्रतिशत बोनस शेयर र ७.५ प्रतिशत नगद लाभांश (कर समेत) गरी कुल १५ प्रतिशत लाभांश विरतण गर्ने निर्णय गरेको हो ।
उक्त प्रस्तावित लाभांश पारितका लागि कम्पनीले पुष २२ गते वार्षिक साधारण सभा आह्वान गरेको छ । त्यस्तै, साधारण सभा तथा लाभांश वितरण प्रयोजनका लागि कम्पनीले पुष ३ गते बुकक्लोजको मिति तोकेको छ । यसर्थ पुष २ गतेसम्म कायम शेयरधनीहरुले मात्रै लाभांश पाउनेछन् ।
प्रतिक्रिया